Dicen los vieyos que los llïoneses somos una xente mui relixosa, y que siempres tuvimos grandes axitaciones pola culpa la relixón, y más cuandu de la muerte'l Nuesu Siñor Xesucristu se fala.

Dicen los vieyos, que la cellebración de la Pascua y Resurrección del Salvador tien de cellebrase con recatu y comedimientu y qu'escesos tienen de ser evitaos comu manda la Santa Mai Ilesia. Que nesos días tendrá l'home d'evitare conocere bíblicamente la súa muyer y demás necesidaes de la carne. Y que tendrá d'evitar el consumu de bebidas que disturben la capacidá física pa la oración, asina comu carne d'animal dengunu.

Dicen los vieyos, qu'estos fechos, debiéronse llevar a cabu van yá muuuuuunchos años nestas tierras de la ciudá de Llión, y especialmente, u la comunidá xudía taba afitada, nu que güei conocemos comu'l Barriu Santana, conos sous soportales y casinas. N'un tiempu que sedrá antias (ou dempués) de que s'echaran d'España a los xudíos.

Dicían los vieyos que comu la Santa Mai Ilesia mandaba, los llïoneses yeran escrupulosos conas observancias que d'eilla manaban, por ésu nos días de Selmana Santa nun había llicor que la mai tierra nos apurriera que los llïoneses prebaran, nin carne qu'eillos xantaran. Bien piadosos, cumplían los preceutos y asistían a los ritos que la Ilesia dicía.

Yeran los llïoneses tan piadosos y tan cristianos que pal Vienres Santu, nel intre la muerte'l Nuesu Siñore, sólu un culpable vían. Y a la entruga de: ¿Quien matóu a Dious el Nuesu Siñore?, la contestación yera nidia y comu una piña respondían: "LOS XUDíOS". Esi mesmu día, armaos de palos, gadañas, foces, espadas y tolo qu'a las súas manos cayera, dirixían los sous pasos cai abaxu dende la catedral p'hacia Santa Ana, p'asina vengare la muerte'l sou Siñore. Ésu pasaba tolos años, cuandu estas datas de gran solemnidá relixosa s'averaban. Evidentemente daqué tendría que se facer al respeutive sobru la tema, pos las autoridaes, tantu civiles, comu eclesiásticas, nun podían permitire qu'esta masacre pasara.

Por eillu, decidinun que nestas datas piadosas de recoyimientu y restricciones, permitiérase la venda de cierta bebida alcólica más suave que'l vinu nas tabiernas de Llión, fecha de productos naturales: vinu, zucre y llimón y rebaxada con augua (pa siguire calteniendu en parte los sous mandaos). D'esti xeitu, pretendíase que nel camín de la catedral p'hacia Santana la población parara pa humedecere los sous gargüelos nas numberosas tabiernas qu'en vuelta d'eillu había, y dada la capacidá relaxante y tonificadora de la bebida, desistieran del sou ímpetu vengativu pola muerte'l nuesu Siñor Xesucristu. Nesti sen, por ca vasu que bebieran yera comu si un xudíu mataran, y nun tenían que dire p'hacia Santana. D'ehí'l matar un Xudíu por ca llimonada que se beba.

Agora bien, las "malas llinguas" cuntan que la bebida siempre tuvu permitida nestas datas y que debí a la sus "floxedá" consiguía emborrachare fasta al más serenu polu que nel sou estáu d'embriaguez decidían tomase al xusticia pola súa manu y vengare la muerte'l Nuesu Siñor Xesucristu, polu que'l tomare llimonada pasóu a sere sinónimu de matare xudíos.